Сарвиноз Миркадирова WTT Feeder турнирінде 1/8 финалға бір қадам қалғанда жарыстан ұшып кетті

Басқа спорт түрлері Бүгін 01:13

Аружан Темірбек

sports24 сарапшы

Қазақстандық теннисші Сарвиноз Миркадирова Германияның Дюссельдорф қаласында өткен WTT Feeder Düsseldorf II турнирінде өз өнерін 1/16 финалдық кезеңде аяқтады.

19 жастағы спортшы 1/32 финалда Әлем чемпионатының қола жүлдегері, франциялық Камиль Лутцты 3:2 есебімен жеңгенімен, келесі кезеңде турнирдің екінші ракеткасы, қытайлық Чэнь Иден 0:3 есебімен ұтылды.

Тағы бір қазақстандық теннисші Анастасия Лаврова да әйелдер арасындағы жекелей сында жарысты ерте аяқтады. Ол 1/32 финалда хорватиялық Хана Араповичке 0:3 есебімен есе жіберді.

Дюссельдорфтегі турнирге қатысқан барлық қазақстандық теннисшілер жарыстан шығып қалды. Ерлер арасындағы жекелей сында Айдос Кенжеғұлов, Санжар Жұбанов және Дастан Кенжеғұлов өз матчтарында жеңіліске ұшырады. Ерлер арасындағы жұптық сайыста Кенжеғұлов пен Жұбанов молдаван-поляк жұбына жол берді. Ал аралас жұптық сайыста Кенжеғұлов пен Миркадирова қытайлық дуэтке есе жіберді.