Руслан Құрбанов: "Мұндай қола жүлде біз үшін өте құнды"
Қазақстанның ерлер құрамасы шпагамен семсерлесуден Ванкуверде (Канада) өткен Әлем кубогы кезеңінде қола жүлдеге қол жеткізді.
Үшінші орын үшін Франция құрамасына қарсы тартысты жекпе-жекте жеңісті Қазақстанға Руслан Құрбанов сыйлады. Ол қосымша уақытта шешуші ұпайды алып шықты.
“Қазақстан құрамасы Францияны қашан соңғы рет жеңгенін есіме түсіре алмаймын. Мұндай қола жүлде біз үшін өте құнды. Франция әрдайым әлемдегі ең мықты командалардың бірі болған. Бүкіл кездесу өте тартысты өтті. Біз команда болып бар күшімізді салдық: жеңіліп жатсақ та, қайта қуып жеттік. Ақыры, соңғы секундқа дейін шайқасып, бір ұпай айырмашылығымен жеңіске жеттік,” – дейді Құрбановтың сөзін Olympic.Kz келтіреді.
Қазақстан құрамасы шпагамен семсерлесуден әлемдік рейтингте төртінші орынды сенімді түрде сақтап тұр.
Қазақстандық шахматшылар Италиядағы әлем чемпионатында жеңіске жетті.
Хоккей
Бүгін 07:30
Басқа спорт түрлері
Бүгін 05:41
