Президент Қасым-Жомарт Тоқаев шахматтан әйелдер құрамасын құттықтады

Басқа спорт түрлері 22 қыр 2024 12:34

Аружан Темірбек

sports24 сарапшы

Мемлекет басшысы Қасым-Жомарт Тоқаев шахматтан әйелдер құрамасын құттықтады:

«2024 жылғы Дүниежүзілік шахмат олимпиадасында күміс медаль жеңіп алған Қазақстанның әйелдер құрамасын құттықтаймын. Бұл – қазақ шахмат мектебі мен шахматшы қыздарымыздың тамаша жетістігі. Спортшыларымыз биік белестерді бағындыра берсін!», – деп жазды Мемлекет басшысы өзінің Х әлеуметтік парақшасында.

Еске сала кетейік, Дүниежүзілік шахмат олимпиадасында Қазақстанның әйелдер құрамасы күміс медаль жеңіп алды. Алтын медаль Үндістан құрамасы бұйырды. Үндістан әйелдер құрамасы 19 ұпай жинап, Қазақстаннан бір ұпайға озып кетті.