Перуде өткен кадеттер арасындағы Әлем чемпионатында қазақстандық жеңіске жетті

Басқа спорт түрлері 01 қыр 2024 10:23

Аружан Темірбек

sports24 сарапшы

Қазақстандық дзюдошы Санжар Ерұланұлы Перуде, Лима қаласында өткен кадеттер арасындағы (18 жасқа дейінгі) Әлем чемпионатында жеңімпаз атанды.

90 келіге дейінгі салмақ дәрежесіндегі финалдық жекпе-жекте Санжар украиналық спортшы Дмитро Лебидтен айқын басымдықпен жеңіске жетті. Әлемдік рейтингте 5-ші орында тұрған Санжар турнирдегі өз жорығын екінші айналымнан бастады. Жалпы, ол төрт жекпе-жек өткізіп, әрбірінде керемет нәтиже көрсетті. Алғашқы кездесуде ол Монгун Учрал Ууганбаярды жеңсе, ширек финалда грузиялық Гиорги Гелашвилиді жеңіп, жартылай финалда тағы бір украиналық спортшы Аркадий Смаиловтан басым түсті.

90 кг дейінгі салмақ дәрежесі бойынша қорытынды нәтижелер:

1. Санжар Ерұланұлы (Қазақстан)

2. Дмитро Лебид (Украина)

3. Эмиль Джабиев (Швеция)

Санжар Ерұланұлы үшін бұл кадеттер арасындағы Әлем чемпионатындағы алғашқы жеңіс. Бұған дейін ол биыл осы салмақ дәрежесінде Қазақстан чемпионатының жеңімпазы атанды. Лимада өткен дзюдодан кадеттер арасындағы әлем чемпионатына 48 елден 403 қатысушы жиналды.