Паралимпиада 2024: Қазақстан параспортының қоржынына алтын медаль түсті
2024 жылғы Паралимпиадада 54 килограммға дейінгі салмақта пауэрлифтинг бойынша жарыстар аяқталды. Токио Паралимпиадасының чемпионы, екі дүркін әлем чемпионы және 2023 жылғы Азия ойындарының жеңімпазы - қазақстандық зілтемірші Давид Дегтярев қайтадан биік шыңды бағындырды.
Давид финалда басты фаворит саналды. Алғашқы мүмкіндігінде ол 184 килограмм салмақты көтерді, бірақ қазақстандықтың қарсыласы кубалық Пабло Рамирес Барриентос та қалысқан жоқ. Кубалық спортшы екінші мүмкіндігінде дәл сол салмақты көтере алды. Дегтярев оған 186 килограмм салмақты көтеріп жауап беріп, көшбасшылығын сақтап қалды.
Енді екі параспортшының соңғы мүмкіндіктері. Кубалық 187 килограмм, ал қазақстандық 188 килограмм салмақты таңдады. Кубалық спортшы өз салмағын көтере алмады, ал Давид үшінші мүмкіндігінде зілтемірді сәтті көтеріп, Паралимпиаданың екі дүркін чемпионы атанды.
Айта кетсек, Давид көтерген салмақ оның мансабындағы ең үздік көрсеткіш болып табылады. Сондай-ақ, бұл салмақ – Азияның рекорды болып тіркелді.
Теннис
Бүгін 04:58
Теннис
Бүгін 01:07
Футбол
Кеше 17:04