Нұрила Асанқызы – жауынгерлік самбодан Әлем чемпионы

Басқа спорт түрлері 10 қара 2024 13:15

Богдан Писаренко

sports24 сарапшы

Астанада Жақсылық Үшкемпіров атындағы жекпе-жек сарайында самбодан Әлем чемпионаты өз мәресіне жетті.

Әйелдер арасындағы жауынгерлік самбода 80 кг-нан жоғары салмақ дәрежесінде алтын медальді Нұрила Асанқызы жеңіп алды.

Финалдық кездесуде Қазақстанның өкілі Түркіменстаннан келген қарсыласын айқын басымдықпен жеңді.

Нұрила өзінің бұл жеңісін өмірден өткен ата-анасына арнады.

“Бапкерлеріме, әсіресе жеке бапкерім Нұралы ағайға шексіз алғысымды білдіремін. Жеңісімді өмірден озған әкем мен анама арнаймын”, – деді Нұрила.

Жалпы, самбодан Әлем чемпионатында қазақстандық спортшылар қоржындарына үш алтын, бес күміс және тоғыз қола салды.