Новак Джокович ATP-2024 қорытынды турнирінен бас тартты

Басқа спорт түрлері Бүгін 06:40

Марлен Аманов

sports24 сарапшы

“Үлкен дулыға” турнирлерінің 24 дүркін чемпионы, сербиялық теннисші Новак Джокович ATP-2024 қорытынды турнирінен бас тарту туралы шешім қабылдады. Бұл туралы ол әлеуметтік желілерде жазды.

- “Мен үшін Туриндегі ATP қорытынды турнирінің жартылай финалына жету – үлкен мәртебе, мен бұл сәтті асыға күттім. Алайда, жарақатымның жазылмауына байланысты келесі аптада турнирге қатыса алмаймын. Менің кездесулерімді асыға күткен барлық жанкүйерлерден кешірім сұраймын. Барлық қатысушыларға сәттілік тілеймін. Жақын арада кездесеміз деп үміттенемін”, - деп жазды Джокович әлеуметтік желілерінде.

Еске сала кетейік, өткен жылы Новак Джокович осы турнирде чемпион атанып, финалда әлемнің бірінші ракеткасы, италиялық Янник Синнерді 6:3, 6:3 есебімен жеңген болатын.