Назым Қызайбай Париж Олимпиадасындағы қола жүлде үшін берілген сыйлықтары жайлы айтты

Басқа спорт түрлері 19 қара 2024 10:28

Аружан Темірбек

sports24 сарапшы

Тележүргізуші Динара Сәтжан өзінің Late Night шоуында Олимпиадада Парижде қола медаль алған қазақстандық боксшы Назым Қызайбайдың алған сыйлықтары туралы айтты. Бұл туралы Назым эфир барысында өзі бөлісті.

Назымның айтуынша, олимпиадалық лицензия үшін оған Қазақстан бокс федерациясының президенті Шахмурат Муталипов 10 миллион теңге сыйлаған.

“Бұл ақшаны әзірге жұмсаған жоқпын, жинап жатырмын. Кейін маған қала әкімінен Zeekr автокөлігі мен Алматыдан бір бөлмелі пәтер сыйға тартылды. Сонымен қатар, 4 миллион теңге берілді. Әзірге пәтердің кілтін алмадым – жаңа тұрғын үй кешеніндегі үй әлі салынып жатыр, шамамен 1-2 ай күту керек деп айтты”, – деді Назым.

Одан кейін Алматы бокс федерациясының басшылығы оған Li 6 автокөлігін сыйлады. Қызайбайдың айтуынша, ол алғашқы автокөлігін туған жері, Алматы облысы Райымбек ауданындағы Сарыжаз ауылынан алған.

Сонымен қатар, ол мемлекет тарапынан берілетін міндетті 75 мың долларлық сыйақыны әлі де күтіп жүргенін айтты.