Минималды артықшылықпен. Рахат Қалжан еркін күрестен Азия чемпионатының қола жүлдегері атанды

Басқа спорт түрлері 29 нау 2025 11:39

Азат Максутбек

29 наурызда Амманда (Иордания) күрес түрлерінен Азия чемпионаты өтіп, қазақ палуаны Рахат Қалжан Ирак спортшысы Хусейн Альбехадилалборспен қола медаль үшін белдесті.

Жекпе-жек тартысты өтті, алайда қазақстандық 8:6 есебімен жеңісті жұлып алып, тұғырдағы орнын қамтамасыз етті.

Тікелей эфир. LIVE көрсетілім

Осылайша, Рахат Қалжан құрлық біріншілігінің қола жүлдегері атанса, қарсыласы турнирді жүлдесіз аяқтады. Сондай-ақ бүгін қазақстандық Начын Қуулар (70 келі) мен Дәулет Ергеш (79 келі) қола жүлдені сарапқа салады, ал Ризабек Айтмұхан (97 келі) финалда алтын жүлдені сарапқа салады.