Мейіржан Әшіров – әскерилер арасындағы әлем чемпионы

Басқа спорт түрлері 21 қара 2024 05:25

Марлен Аманов

sports24 сарапшы

Қазақстандық балуан Мейіржан Әшіров Арменияның Ереван қаласында өтіп жатқан әскерилер арасындағы әлем чемпионатында (CISM) жеңімпаз атанды. Еркін күрестен 70 келіге дейінгі салмақ дәрежесінде Әшіров жоғары деңгейде өнер көрсетіп, барлық қарсыласын жеңді, деп хабарлады Sport+.

Алғашқы айналымда ол ресейлік Инал Кетиевпен тартысты белдесу өткізіп, 1:1 есебімен тең түскеніне қарамастан, соңғы әрекет бойынша жеңіс қазақстандық балуанға берілді. Екінші кезеңде Әшіров моңғол спортшысы Мергеншағайды 14:1 есебімен айқын жеңді. Жартылай финалда ол ирандық қарсыласын 10:0 есебімен қапы қалдырса, ақтық сынға шыққанында үндістандық балуаннан 6:2 есебімен басым түсті.

Сонымен қатар, қазақстандық спортшылар бұл турнирде тағы екі жүлде жеңіп алды: Айдос Сұлтанғали (60 келі) грек-рим күресінен қола медаль иеленсе, Светлана Анкичева (50 келі) әйелдер күресінен қола жүлде еншіледі.

Әскерилер арасындағы әлем чемпионаты 24 қарашаға дейін жалғасады.

Ғұсман Қырғызбаев спортқа келген жолы мен алдағы жоспарлары туралы айтты.