Матеус Николау қазақстандық Асу Алмабаевтан жеңілгеннен кейін UFC-ден шеттетілді

Басқа спорт түрлері 30 қаз 2024 04:12

Аружан Темірбек

sports24 сарапшы

UFC промоушені жеңіл салмақта өнер көрсететін Матеус Николауды қазақстандық Асу Алмабаевтан жеңілгеннен кейін ростерден шығаруды шешті.

UFC ростерінде бірқатар өзгерістер орын алды. MMA Fighting порталының мәліметінше, әртүрлі салмақ дәрежесіндегі жеті спортшы ұйымнан шығарылды:

• Робелис Деспанье (5-2) — ауыр салмақ.
• Матеус Николау (19-6-1) — жеңіл салмақ.
• Джесси Батлер (7-4) — жеңіл салмақ.
• Харалампос Григориу (6-5) — жеңіл салмақ.
• Винисиус Сальвадор (11-6) — жеңіл салмақ.
• Дэниел Пинеда (28-17) — жартылай жеңіл салмақ.
• Тамирес Видаль (7-4) — әйелдер арасындағы жеңіл салмақ.

Ростерден шығарылған спортшылардың арасында Матеус Николау да бар, ол UFC Fight Night турнирінде қазақстандық Асу Алмабаевтың қарсыласы болды. Жеңіл салмақтағы бұл кездесу 20 қазанда өтті. Жекпе-жек барысында қазақстандық спортшы кездесуді бақылауда ұстап, ұпай саны бойынша алда болды. Екінші раундта бразилиялық қарсыласы сабмишен жасауға тырысқанымен, Алмабаев бұл қыспақтан шыға алды. Соңғы раундта Асу қарсыласын нокдаунға жіберіп, Николауды партерде ұстап, соңғы бес минуттықтың көбін бақылауда өткізді. Кездесу төрешілердің бірауыздан қабылдаған шешімімен аяқталып, жеңіс қазақстандық спортшыға берілді.