Әлемдік рейтингтің алғашқы ондығына бірден екі қазақстандық дзюдошы енді

Басқа спорт түрлері Кеше 11:52

Аружан Темірбек

sports24 сарапшы

Қазақстан 48 келіге дейінгі дзюдошылардың әлемдік рейтингінің алғашқы ондығында ең көп спортшысы бар ел атанды.

Бұл рейтингті жаңартудан кейін мүмкін болды. 5778 ұпаймен 4-орынға жайғасқан Әбиба Әбужақынова қатарын Ғалия Тынбаева толықтырды.

Бұл салмақтағы үздік ондыққа екі дзюдошысы бар жалғыз ел – Қазақстан. Тізімнің көш басында 7 286 ұпаймен моңғолиялық Бавуудоржийн Баасанхүү тұр. Оның Париждегі Олимпиада ойындарында күміс, сондай-ақ соңғы әлем және Азия чемпионаттарында алтын медальдары бар.

Еске салайық, Париж өткен Олимпиада алдында Абиба рейтингте үшінші орынды иеленді.