Әлем чемпионы атанған Нұрқожа Қайпановқа демеушілер көлік сыйлады

Басқа спорт түрлері 06 қара 2024 06:21

Марлен Аманов

sports24 сарапшы

Еркін күрестен Тиранада әлем чемпионы атанған қазақстандық Нұрқожа Қайпановқа демеушілер су жаңа көлік мінгізді.

Елге оралған белгілі спортшыға меценат Ерлан Қожасбай құрмет көрсетіп, көлік тарту етті.

“Әлем чемпионы атануыңмен құттықтай отырып, өзіңе, бапкерлеріне алғыс білдіремін. Осы жолда аянбай тер төгіп жүрсің. Оған өзім де куәмін. Біздің күрес академиясының шәкірті екеніңе мақтанамыз", - деді Ерлан Қожасбай.

70 келіде белдесетін Қайпанов Албания астанасында күрес түрлерінен олимпиадалық емес салмақ дәрежелері бойынша өткен әлем чемпионатында топ жарған еді. Ол іріктеу кезеңдерінде Израиль, Молдова, Тәжікстан балуандарын ұтса, финалда Жапония спортшысынан басым түсті.