Конькимен жүгіру. Жәрдембекұлы екінші кезеңнің соңғы күнінде үшінші орын алды
Бүгін, 1 желтоқсанда, Пекинде 2024/25 жылғы конькимен жүгіру спортынан әлем кубогының екінші кезеңі аяқталды.
Қазақстандық Алтай Жәрдембекұлы 500 метрлік дистанциядағы В дивизионындағы екінші жарыста үшінші орын алды. Ол жарыста жеңімпаз, Оңтүстік Кореялық Чо Сын Хёкке 0.05 секундқа ғана ұтылды. Никита Важенин 16-шы уақытты көрсетті. Әйелдер арасында 500 метрлік бәсекеде В дивизионда Дарья Важенина 17-ші, ал Инесса Шумекова 24-ші орындарды алды.
Кристина Шумекова әйелдер масс-стартында В дивизионда тоғызыншы орынға ие болды, ал ерлер арасында Виталий Щиголев 11-ші, Вадим Якубовский 12-ші болып мәреге жетті.
А дивизионда әйелдер арасында 500 метрлік жарыста алғаш рет мансабында Польша спортшысы Кайя Зёмек-Ногаль жеңіс тойлады. Кристина Силаева 17-ші, ал Надежда Морозова 20-шы уақытты көрсетті. Ерлер арасында тағы бір жеңісті АҚШ спортшысы Джордан Столц иеленді, Евгений Кошкин 11-ші орынға табан тіреді.
Нидерландтықтар Мерайке Хруневауд және Барт Холверф әйелдер мен ерлер масс-стартында А дивизионда жеңіске жетті. Нидерландтықтар сондай-ақ ерлер мен әйелдер қудалау жарыстарында да жеңістерге жетті. Кристина Силаева, Дарья Важенина және Надежда Морозова 6-шы уақытта, ал Евгений Кошкин, Никита Важенин және Алтай Жардембекулы 8-ші уақытта мәреге жетті.
2024/25 жылғы конькимен жүгіру спортынан әлем кубогының үшінші кезеңі 24-26 қаңтарда канадалық Калгари қаласында өтеді.
Бокс
Бүгін 06:39
Хоккей
Бүгін 04:27