Күміс жүлде мен құрмет: Ержет Жарылқасынға ӘЧ-дағы жетістігі үшін Toyota Camry сыйға тартылды

Басқа спорт түрлері 01 қара 2024 13:58

Аружан Темірбек

sports24 сарапшы

Жамбыл облыстық грек-рим, еркін және әйелдер күресі федерациясының президенті Әлімбек Жұмабаев Ержет Жарылқасынға Әлем чемпионатында жеңіп алған күміс медалі үшін Toyota Camry автокөлігін сыйға тартты.

Ержеттың жеке бапкеріне де 3 миллион теңге көлемінде ақшалай сыйақы берілді.

Еске салайық, спортшы Албанияның Тирана қаласында өткен Әлем чемпионатында олимпиадалық емес салмақ дәрежелері бойынша өткен жарыста екінші орын алды. Грек-рим күресінің өкілі 63 келіге дейінгі салмақ дәрежесінде бақ сынады. Финалда ол әзербайжандық Нихат Мамедлимен кездесіп, алғаш болып ұпай жинағанымен, басымдылығын сақтай алмай, 1:6 есебімен жеңіліп қалды.

Посмотреть эту публикацию в Instagram

Публикация от QASQYR (@qasqyr_wrest)