Камил Гаджиев Асу Алмабаевтың титулдық жекпе-жек үшін жақын арада күресетініне сенімді

Басқа спорт түрлері 22 қаз 2024 03:04

Fight Nights АМС басшысы Камил Гаджиев UFC турнирінде қазақстандық Асу Алмабаевтың бразилиялық Матеус Николауды жеңуі туралы пікір білдірді.

“Бұл жігітті жақсы білемін. Тагир Уланбековпен жекпе-жекке шыққан еді, енді екеуі де UFC-де өнер көрсетіп жүр. Асу Алмабаев айтарлықтай өсті, тәжірибесі молайып, шаршы алаңда мықты бола түсті. Жақында титул үшін жекпе-жекке шығатын кезі келеді деп ойлаймын. Оның салмағында статистикасы 4-0 – бұл өте жақсы көрсеткіш”, - деді Гаджиев өзінің YouTube арнасында.

20 қазанда Асу Алмабаев (21-2) Лас-Вегас (Невада штаты, АҚШ) қаласында өткен UFC Fight Night 245 турнирінде Матеус Николауды (19-5-1) төрешілердің бірауызды шешімімен жеңді.

Асу Алмабаев UFC-де 2023 жылдың тамыз айында дебют жасап, төрт жекпе-жектің төртеуінде де жеңіске жетті.

Асу Алмабаев UFC-дің ең жеңіл салмақтағы үздік 10 спортшысының қатарына ресми түрде кіргенін хабарлаған болатынбыз.

Танымал жаңалықтар