Қызыққа толы спорттық апта: қазақстандықтар басты жарыстарда бақ сынауда

Басқа спорт түрлері 04 қара 2024 04:00

Аружан Темірбек

sports24 сарапшы

Қазақстандық спортшылардың қатысуымен осы аптаға жоспарланған спорттық шаралардың кестесі жарияланды.

Қазақстан Республикасы Туризм және спорт министрлігінің баспасөз қызметінің мәліметінше, Қазақстан Республикасы Президенттік кубогы аясындағы әртүрлі спорт түрлерінен жарыс Петропавлда өтіп жатыр және 5 қарашада аяқталады.

6 қараша күні Шымкентте А. Аскаровты еске алуға арналған ересектер арасындағы көкпардан ашық республикалық турнирдің қорытынды күні өтеді. Осы күні Алматыда голболдан Қазақстан Республикасы чемпионаты мәресіне жетеді.

Сонымен қатар, 7 қарашаға дейін Самарқанда садақ атудан халықаралық турнир жалғасуда, мұнда Қазақстан атынан Жұбаев Жантеміс, Ким Дмитрий, Бекметова Мәдина, Әлімбаев Мансұр, Жақып Мерей және Өмірзақова Жанель қатысуда.

8 қарашаға дейін Жетісу облысында ерлер мен әйелдер арасында индорхоккейден Қазақстан чемпионаты, ал Семейде жастар мен жасөспірімдер арасында тоғызқұмалақтан Қазақстан чемпионаты өтіп жатыр.

9 қарашада Шымкентте әйелдер арасындағы шахматтан МТ FIDE Women’s Grand Prix 2024 екінші кезеңі аяқталады, онда әлемнің алты елінен келген 10 үздік шахматшы қыз қатысуда. Қазақстан атынан Бибісара Асаубаева өнер көрсетеді.