Халықаралық аренадағы жетістіктер үшін спортшылар мен бапкерлерге көрсетілетін қолдау артады: Қазақстанда төлемдерді көбейту көзделуде
Қазақстан Республикасының Мәдениет және спорт министрлігі №168 Бұйрыққа өзгерістер енгізу туралы жоба әзірледі.
Аталған бұйрық көрнекті спортшылар мен олардың жаттықтырушыларына өмір бойына ай сайынғы материалдық қамтуды тағайындау тәртібі мен мөлшерін реттейді.
Негізгі өзгерістердің бірі - 7-тармақты алып тастау ұсынысы. Қолданыстағы редакцияда бұл тармақ бір адамға бірнеше негіз бойынша материалдық төлем тағайындалған жағдайда, тек ең жоғары мөлшердегі бір төлемді ғана алуға мүмкіндік береді. Мысалы, Олимпиада ойындары, әлем чемпионаттары мен Азия ойындарында бір мезгілде жетістікке жеткен спортшы немесе жаттықтырушы тек бір негіз бойынша ғана төлем ала алатын.
Жаңа өзгерістер қабылданған жағдайда, спортшылар мен жаттықтырушылар әрбір жетістігі үшін ай сайынғы төлемдерді қатар алуға мүмкіндік алады. Бұл жаңашылдық олардың ел спортының дамуына қосқан зор үлесін мойындаудың және Қазақстанның халықаралық беделін арттырудың маңызды қадамы болмақ.
Жобаны көпшілік талқылау 2025 жылғы 26 мамырға дейін жалғасады. Қызығушылық танытқан барлық азаматтар ұсынылған өзгерістерге қатысты өз пікірін білдіре алады.
Футбол
Бүгін 17:37
Футбол
Бүгін 17:16