Ержет Жарлықасын Тиранада өткен Әлем чемпионатында күміс жүлдегер атанды

Басқа спорт түрлері 29 қаз 2024 14:36

Аружан Темірбек

sports24 сарапшы

Қазақстандық балуан Ержет Жарлықасын Әлем чемпионатында күміс медаль жеңіп алды.

Спортшы Албанияның Тирана қаласында өткен турнирде екінші орынға ие болды.

Грек-рим күресінің өкілі 63 килограмм салмақта бақ сынады. Финалда ол әзербайжандық Нихат Мамедлимен кездесті. Қазақстандық бірінші болып ұпай жинағанымен, басымдығын сақтай алмай, 1:6 есебімен жеңіліп қалды.

Бұл – Жарлықасынның Әлем чемпионатындағы алғашқы медалі. Сәуір айында 24 жастағы спортшы осы салмақта Азия чемпионы атанған болатын.

Сондай-ақ, сол күні қазақстандық Жәмила Бақбергенова финалға жолдама алды. Сәрсенбі күні ол 72 килограмм салмақта жапониялық Ами Исимен алтын жүлде үшін күреседі.