Ерасыл Қажыбаев Қазақстан барысы-2024 турнирінде чемпион атанды

Басқа спорт түрлері 27 қаз 2024 09:23

Марлен Аманов

sports24 сарапшы

Астанадада Республика күніне орайқазақ күресінен өткен "Қазақстан барысы-2024" турнирінде Ерасыл Қажыбаев чемпион атанды.

Астанадағы "Барыс Арена" спорт кешенінде қазақ күресінен ХІІІ республикалық “Қазақстан барысы” турнирінің финалында Ерсұлтан Мұзаппаров пен Ерасыл Қажыбаев белдесті.Белдесу қорытындысына сәйкес Ерасыл Қажыбаев қарсыласын соңғы сәтте таза ұтып, турнир жеңімпазы атанды.

Ал қазақ күресінен ХІІІ республикалық “Қазақстан барысы” турнирінің үшінші орыны үшін белдесуде Саят Шамшиев пен Әділ Оразбаев сынға түсті. Нәтижесінде Абай облысының балуаны Саят Шамшиев басым түсіп, “Қазақстан барысы – 2024” турнирінің 3-орын иегері атанды.

Аталған турнирдің жеңімпазына 15 000 000 теңге берілсе, 2-орын алған спортшы 3 300 000 теңгеге иелік етеді. Ал 3-орынға қол жеткізген балуан 1 080 000 теңге көлемінде сыйақы алады.Сонымен қатар әр балуан әр белдесуде жеңіске жеткені үшін тағы 100 000 теңгеден алып отырады.

Жалпы “Қазақстан барысы-2024” республикалық турнирдің жүлде қоры – 27 100 000 теңге. Аталған турнирде жеңіске жеткен балуандардың бапкерлері де сыйақысыз қалмайды. 3 720 000 теңге спортшылардың жаттықтырушыларына беріледі.