Елдос Сметов татамиге қаңтар айында оралады

Басқа спорт түрлері Кеше 03:37

Марлен Аманов

sports24 сарапшы

Қазақстан ерлер құрамасының бас бапкері Нұрбол Сүлейменов Olympic.kz сайтына берген сұхбатында Елдос Сметов пен Ғұсман Қырғызбаевтың жаттығу жұмыстарына қашан қосылатынын айтты.

“Елдос Сметов пен Ғұсман Қырғызбаев келесі оқу-жаттығу жиынына қатысады. Олар командамен бірге дайындықты біртіндеп бастайды. Жаттығу жиыны 9 қаңтарда Астанада өтеді”, – деді бас бапкер.

Сүлейменовтың сөзінше, команда құрамына ел чемпионатында жүлделі орындарға ие болған спортшылар мен жарысқа қатыспаған белгілі дзюдошылар кіреді. Бұл қатарда Елдос Сметов, Ғұсман Қырғызбаев, Абылайхан Жұбаназар және Нұрлыхан Шархан бар.

Азия ойындарының екі дүркін жүлдегері Қазақстан чемпионатына қатыспайды.