Екі қазақстандық могулист чемпионаттың негізгі кезеңіне өтті

Басқа спорт түрлері 18 нау 2025 08:33

Арсен Алиев

Редактор

Швейцарияның Энгадин қаласында фристайл-могулдан әлем чемпионаты басталды, деп хабарлайды Olympic.kz.

Бұл жарысқа Қазақстан құрамасының атынан үш спортшы – Юлия Галышева, Анастасия Городко және Юлия Феклистова қатысуда.

Квалификация кезеңінің қорытындысы бойынша негізгі жарыстарға өту үшін үздік 20 спортшының қатарына ену қажет болды. Юлия Галышева 9-орынға, ал Анастасия Городко 15-орынға ие болып, келесі кезеңге жолдама алды.

Ал Юлия Феклистова 24-орынмен жарысты аяқтап, негізгі кезеңге өте алмады. Енді Галышева мен Городко әлем чемпионатының жүлделері үшін күресті жалғастырады!

Сондай-ақ оқыңыз: Қазақстандық ски-альпинистер Азия кубогында төрт алтын жеңіп, тарихи жетістікке жетті