donk — PGL Astana 2025 турнирінің ең үздік ойыншысы

Басқа спорт түрлері 19 мам 2025 05:29

Асылхан Тоқсанбек

Редактор

2025 жылғы 10–18 мамыр аралығында Қазақстан астанасында өткен PGL Astana 2025 турнирі Counter-Strike 2 ойыны бойынша жылдың басты жарыстарының біріне айналды.

Barys Arena аренасында әлемнің 16 үздік командасы 1,25 млн доллар жүлде қоры үшін бақ сынасты.

Турнирдің шешуші кезеңі гранд-финал болды — онда Team Spirit пен Astralis BO5 форматында кездесті. Нәтижесінде Spirit 3:1 есебімен жеңіске жетіп, чемпион атанды.

HLTV нұсқасы бойынша турнирдің ең үздік ойыншысы (MVP) атағын Team Spirit сапындағы 18 жастағы Данил «donk» Крышковец иеленді. Ол бүкіл турнир барысында ерекше ойын өрнегін көрсетті: 15 картада орташа рейтинг — 1.50, бір раундтағы өлтірулер — 1.00, раундтағы орташа залал — 100.7, KAST — 77.7%, жалпы рейтинг — 1.76.

Бұл donk үшін мансабындағы сегізінші MVP атағы және 2025 жылы екінші мәрте алған марапаты — бұған дейін ол BLAST Bounty Spring турнирінде де үздік танылған болатын.