Болат Сақаев Азия чемпионатында күміс жүлде еншіледі

Басқа спорт түрлері 30 нау 2025 13:15

Дамир Кошечкин

Журналист

Амманда (Иордания) өтіп жатқан еркін күрестен Азия чемпионатында Қазақстан құрамасының балуаны Болат Сақаев күміс медаль иеленді.

32 жастағы спортшы 86 келіге дейінгі салмақта белдесті. Финалда ол Иран өкілі Әболфазл Рахманимен жолықты. Белдесу 4:11 есебімен қарсыластың пайдасына аяқталды.

Осылайша, Қазақстан еркін күрес құрамасының еншісінде үш медаль бар. Нұрқожа Қайпанов (74 келі) - алтын, Ризабек Айтмұхан (97 келі) - күміс, ал Рахат Қалжан (57 келі) қола медаль жеңіп алған болатын.