Белгілі қазақстандық спортшы Naiza чемпиондық титулынан бас тартты

Басқа спорт түрлері 28 қаз 2024 15:14

Павлив Никита

sports24 сарапшы

Қазақстандық ММА спортшысы Диас Еренғайыпов (19-3) Naiza лигасының ең жеңіл салмақтағы чемпиондық белбеуінен бас тартты.

“Соңғы жекпе-жегімнен бері шамамен бір жыл өтті. Жазда менің жекпе-жегімнің болмауына өзім кінәлі емеспін. Кейін Казбек (Сағына) шақыруын қабылдап, оның өтініші бойынша желтоқсан айын күтіп жүрдім, бірақ, өкінішке орай, ол жарақат алып, жарысқа қатыса алмайтын болды. Біз командамен бірге Naiza лигасының белбеуінен бас тартып, алға жылжу туралы шешім қабылдадық. Naiza лигасының жетекшісі Нұрбек Қарабалаға чемпиондық белбеуге жету мүмкіндігін бергені үшін алғыс білдіремін. Барлық қолдау көрсеткендерге рахмет, біз әрі қарай жылжимыз. Жақсы жаңалықтарды күтіңіздер”, – деді Еренғайыпов.

Диас Еренғайыпов лиганың чемпиондық белбеуін өткен жылдың наурыз айында жеңіп алып, кейін оны жапондық Рюя Фукуданы жеңіп қорғаған болатын.

Осы жылдың желтоқсан айында титулды екінші рет қорғау жоспарланған еді. Еренғайыпов Naiza-ның минималды салмақтағы бұрынғы чемпионы Казбек Сағынамен кездесуі керек болатын, бірақ Сағына жаттығу кезінде қолын сындырып, жекпе-жек тоқтатылды.