Белал Мұхаммед Шавкат Рахмоновқа қарсы жекпе-жекке дайындықты күшейтуде

Басқа спорт түрлері 25 қаз 2024 06:14

Аружан Темірбек

sports24 сарапшы

Жартылай орта салмақтағы UFC чемпионы Белал Мұхаммед қазақстандық Шавкат Рахмоновпен болатын жекпе-жекке деген өз ойларымен бөлісті.

“Бұл жігітке қарсы жекпе-жекке мен әдеттегіден екі есе күш саламын. Күн сайын жаттығамын. Жұмыс істеймін, жұмыс істеймін, жұмыс істеймін… Бірақ адамдар… Мен жеңген күнде де, олар ақырында маған жай ғана жолым болды деп айтады”, — деп Мұхаммедтің сөзін MMA Fighting келтіреді.

Рахмонов (18-0) пен Мұхаммед (24-3) арасындағы жекпе-жек 8 желтоқсанда Лас-Вегаста өтетін UFC 310 турнирінде өтеді.

Қазақстандық спортшы UFC рейтингінде жартылай орта салмақта үшінші орында, ал Мұхаммед чемпиондық титулдың иегері.