Қазақстанның ауыр атлетика чемпионатында сенсация орын алды

Басқа спорт түрлері 13 қара 2024 12:37

Павлив Никита

sports24 сарапшы

13 қараша, сәрсенбі күні Талдықорғанда ерлер мен әйелдер арасында ауыр атлетикадан Қазақстан чемпионаты басталды. Жарыстың алғашқы күнінде-ақ ерекше сенсация болды. 45 келіге дейінгі салмақ дәрежесінде небәрі 13 жастағы Снежана Кашкарова алтын медаль жеңіп алды. Жетісу облысының өкілі қос жаттығудың нәтижесі бойынша 128 килограмм (57+71) салмақты көтеріп, 20 жастағы Қостанайлық спортшы Ирина Чумактан 23 килограмға (45+60 = 105 – “күміс”) және 16 жастағы Семейлік Ясмин Жұматайдан 34 килограмға (42+52 = 94 – “қола”) озып шықты.

Айта кетейік, бұл чемпионаттағы жеңіс жас спортшыға халықаралық дәрежедегі спорт шебері нормативін орындауға мүмкіндік берді. Енді Снежана ұлттық құрамаға кіруі тиіс. Бұл кез келген іріктеу ережелеріне сәйкес келеді.