Қазақстандықтар Әлем чемпионатында төрт медаль жеңіп алды: Әлихан Қадырғали алтын иегері атанды
13 қазан күні Италияның Венеция-Езоло қаласында жастар мен жасөспірімдер арасында (U-21) WKF каратэ бойынша 2024 жылғы Әлем чемпионаты аяқталды. Бұл жарыста Қазақстанға 17 жасқа дейінгі спортшылар арасында жалғыз “алтынды” Әлихан Қадырғали (76 кг) алып берді.
Бір апта бойы әлемнің 200-ге жуық елінен келген 2 мыңға жуық каратэші ката және кумитэ тәртіптерінде үздіктерді анықтады, деп хабарлайды ҚР МТС баспасөз қызметі.
Қазақстан намысын итальян татамиінде 30 спортшы қорғап, олар төрт медаль жеңіп алды.
Әлихан Қадырғалидің алтын медалінен бөлек, Әлем чемпионатының күміс жүлдесі 17 жасқа дейінгі санатта 59 кг салмақта Гүлнұр Қойшыбайға бұйырды.
Қола жүлделерді Мирас Әбдіқадыр (55 кг, 17 жасқа дейін) және Сұңқар Қанибек (70 кг-нан жоғары, 15 жасқа дейін) жеңіп алды.
Футбол
Бүгін 07:38
Басқа спорт түрлері
Бүгін 05:25
ММА
Бүгін 03:20