Қазақстандық ватерполистер Әлем чемпионатына бармайтын болды

Басқа спорт түрлері 01 нау 2025 04:19

Наурызбай Қанатұлы

Су добынан Қазақстан ерлер құрамасы Қытайда өтіп жатқан Азия чемпионатының жартылай финалында Жапонияға 10:18 есебімен есе жіберді.

Осылайша қазақстандық ватерполистер шілде айында Сингапурда болатын Әлем чемпионатына жолдама ала алмады. Әлем чемпионатына тек финалистер ғана жолдама алады.

Енді ертең Қазақстан құрамасы Қытай – Иран жұбының жеңілгенімен қола жүлдені сарапқа салатын болады.

Бұған дейін су добынан Қазақстан әйелдер құрамасы Қытай қыздарына ұтылған болатын.