Қазақстандық теннисші Құрманғалиев WTT турнирінің күміс жүлдегері атанды

Басқа спорт түрлері 11 қара 2024 04:30

Аружан Темірбек

sports24 сарапшы

Қазақстандық спортшы Алан Құрманғалиев Мажарстанның Сомбатхей қаласында өткен WTT Youth Contender турнирінде күміс медальға ие болдыү

19 жасқа дейінгі жасөспірімдер арасындағы жарыста ол екінші орынды иеленіп, жеті жеңіс пен бір ғана жеңіліс тіркеді.

Алан болгариялық Стефан Димитровты 3:0, люксембургтік Маэль Ван Дессельді 3:0, Тайбэй өкілі Тай По-Чунды 3:2, румыниялық Драгож Бужорды 3:0, словакиялық Михаил Ловгуды 3:2, швед Исак Альфредссонды 3:0 және кореялық Ли Чон Мокты 3:0 есебімен жеңді.

Финалдық кездесуде Құрманғалиев мажарстандық Балаж Лэйге 0:3 есебімен есе жіберді.

Айта кетейік, осы турнирде қазақстандық спортшы бұған дейін 17 жасқа дейінгі жасөспірімдер арасында қола медаль иеленген болатын.