Қазақстандық шорт-трекші Әлемдік тур кезеңінің финалдық жарысында екінші орын иеленді

Басқа спорт түрлері 03 қара 2024 01:19

Аружан Темірбек

sports24 сарапшы

Қазақстан шорт-трек құрамасының көшбасшысы Денис Никиша Монреальде өткен Әлемдік турдың екінші кезеңінде жетінші орынға ие болды.

500 метр қашықтықта Никиша жартылай финалға дейін жеткенімен, медальдық жарысқа шыға алмай, жұбаныш финалында өнер көрсетті. Ол бұл сында 42,348 секунд нәтижемен екінші орын алып, тек нидерландтық Йенс ван т’Ваутқа жол берді. Қорытынды есепте Никиша жетінші орынға ие болды, себебі негізгі финалда бес спортшы жарысты. Осы қашықтықта алтынды канадалық Стивен Дюбуа жеңіп алса, күміс оның отандасы Уильям Данджинуға, ал қола итальяндық Пьетро Сигельге бұйырды.

Естеріңізге сала кетейік, Монреальде өткен алдыңғы кезеңде Никиша осы қашықтықта оныншы орынды иеленген еді. Қазіргі уақытта ол Әлемдік турдың жалпы есебінде 18-ші орында тұр.