Қазақстандық мини-футболшылар Еуропаның үздік төрт құрамасының қатарына енді
Қазақстанның мини-футболдан ұлттық құрамасы Еуропа мини-футбол федерациясының (EMF) жаңартылған рейтингінде төртінші орынға тұрақтады. Рейтингтің көшбасшысы ретінде Румыния құрамасы танылса, екінші орынды Әзірбайжан, ал үздік үштікті Сербия құрамасы түйіндеді.
Еске сала кетейік, 2024 жылы Босния және Герцеговинада өткен Еуропа чемпионатында Қазақстан құрамасы қола медаль жеңіп алды. Ширек финалда біздің команда Әзірбайжан құрамасын пенальти сериясында 7:6 есебімен жеңді. Негізгі уақыт тең аяқталған еді — 0:0.
Жартылай финалда Қазақстан құрамасы рейтингтің көшбасшысы Румыниямен кездесті. Матч барысында негізгі уақыт 1:1 есебімен аяқталып, пенальти сериясында біздің команда 4:2 есебімен қарсыласқа есе жіберді.
Үшінші орын үшін өткен тартысты кездесуде Қазақстан құрамасы Францияны 7:2 есебімен айқын басымдықпен жеңіп, Еуропа чемпионатының қола жүлдегері атанды.
ММА
Бүгін 08:59