Қазақстандық Бақбергенова Әлем чемпионатында күміс медаль иегері атанды

Басқа спорт түрлері 30 қаз 2024 16:02

Дамир Кошечкин

sports24 сарапшы

Қазақстандық балуан Жәмилә Бақбергенова Албанияның Тирана қаласында өткен Әлем чемпионатында олимпиадалық емес салмақ дәрежесінде өнер көрсетіп, күміс жүлдеге ие болды.

72 кг дейінгі салмақ дәрежесінің финалында Жәмилә жапондық спортшы Ами Исииге тартысты бәсекеде 6:8 есебімен жол берді.

Бұл Жәмиләның Әлем чемпионатында иеленген үшінші күміс жүлдесі (2021, 2022 және 2024). Өткен жылы Сербиядағы Әлем чемпионатында ол қола медальді жеңіп алған болатын.

Сондай-ақ, біз бұған дейін Сабина Алтынбекованың мансабын жалғастыратын жаңа клубын жариялағанын хабарладық.