Қазақстан құрамасының шахматшылары Олимпиада жүлдегерлері атанды

Басқа спорт түрлері 22 қыр 2024 11:15

Аружан Темірбек

sports24 сарапшы

Қазақстан әйелдер құрамасы 2024 жылы Венгрияның Будапешт қаласында өткен шахмат олимпиадасында күміс медаль жеңіп алды.

Соңғы турда Қазақстан АҚШ құрамасымен кездесуді 2-2 есебімен тең аяқтап, қорытындысында 18 ұпайға ие болды. Бибісара Асаубаева өз ойынында жеңіске жетсе, Ксения Балабаева мен Алуа Нұрман тең түсті. Меруерт Камалиденова, өкінішке орай, жеңілді. Қазақстан әйелдер құрамасының құрамында:

Бибісара Асаубаева
Меруерт Камалиденова
Ксения Балабаева
Алуа Нұрман
Әмина Қайырбекова

Алтын медальді әйелдер мен ерлер арасындағы жарыста жеңіске жеткен Үндістан құрамасына бұйырды. Үндістанның әйелдер құрамасы 19 ұпай жинап, Қазақстаннан бір ұпай алға озды.