Қазақстан құрамасы самбодан Әлем чемпионатын жеңіс тұғырында аяқтады

Басқа спорт түрлері 10 қара 2024 22:58

Аружан Темірбек

sports24 сарапшы

Қазақстан құрамасы самбо бойынша Әлем чемпионатының медальдық есебінде екінші орынға тұрақтады, жалпы саны 17 медаль жеңіп алды: үш алтын, бес күміс және тоғыз қола жүлде.

Медальдық есептің көшбасшысы Ресей самбошылары болды. Олар Халықаралық самбо федерациясы-1 (FIAS1) атынан қатысып, 26 медальді (16 алтын, 5 күміс, 5 қола) жеңіп алды.

Үшінші орынды Беларусь құрамасы (FIAS2) иеленді, олар үш күндік жарыс барысында тоғыз медальге (үш алтын, екі күміс және төрт қола) қол жеткізді.

Әлем чемпионаты 8-10 қараша күндері Астанадағы Жақсылық Үшкемпіров атындағы жекпе-жек сарайында өтіп, 470 спортшының басын қосты.