Қазақстан құрамасы панконтиненталь чемпионатында өнер көрсетуді бастайды

Басқа спорт түрлері 28 қаз 2024 04:59

Аружан Темірбек

sports24 сарапшы

Ерлер және әйелдер құрамасы Лакомбе қаласында (Канада) өтіп жатқан кёрлингтен панконтиненталь чемпионатына қатысуда.

Ерлер құрамасы B дивизионында айналмалы кезеңде үш матч өткізіп, Нигерияны (12:3) және Бразилияны (7:2) жеңіп, Ямайкадан (7:8) жеңіліс тапты. Қазіргі уақытта Қазақстан құрамасы төртінші орынды Үндістанмен бөлісуде.

Қазақстан ерлер құрамасының панконтиненталь чемпионатындағы айналмалы кезең кестесі:

• 28 қазан, 20:00 (барлық уақытта – Қазақстан уақыты) — Қазақстан vs Пуэрто-Рико;
• 29 қазан, 6:00 — Қазақстан vs Гонконг;
• 30 қазан, 1:00 — Үндістан vs Қазақстан;
• 30 қазан, 20:00 — Қазақстан vs Кения;
• 31 қазан, 6:00 — Қазақстан vs ОАР;
• 31 қазан, 20:00 — Катар vs Қазақстан;
• 1 қараша, 6:00 — Филиппин vs Қазақстан.

Әйелдер құрамасы B дивизионында алғашқы матчта Аустралияға (7:8) есе жіберіп, кейін Нигерияға қарсы техникалық жеңіс алды. Қазақстандық керлингшілер қазіргі уақытта Аустралия, Бразилия және Гонконг құрамаларымен бірге үшінші орынды бөлісуде.

Қазақстан әйелдер құрамасының панконтиненталь чемпионатындағы айналмалы кезең кестесі:

• 29 қазан, 1:00 — Гонконг vs Қазақстан;
• 29 қазан, 20:00 — Қазақстан vs Ямайка;
• 30 қазан, 6:00 — Бразилия vs Қазақстан;
• 31 қазан, 1:00 — Қазақстан vs Кения;
• 1 қараша, 1:00 — Филиппин vs Қазақстан.

Ерлер мен әйелдер арасындағы жартылай финалдық матчтар 2 қарашада өтеді.