Қазақстан құрамасы күрестен ӘЧ-ын Ризабек Айтмұханның жалғыз медальмен аяқтады

Басқа спорт түрлері 28 қаз 2024 04:48

Аружан Темірбек

sports24 сарапшы

Албания астанасы Тиранада 23 жасқа дейінгі спортшылар арасында күрестен Әлем чемпионаты аяқталды.

Қазақстан құрамасы бұл турнирде әлсіз нәтиже көрсетті. Грек-рим күресінің балуандары бірде-бір медаль иеленбей, командалық есепте 18-орынға тұрақтады. Әйелдер командасы да жүлдесіз қалып, үш “қола” үшін күресте жеңіліп, 9-орынмен шектелді.

Жағдайды Қазақстан құрамасындағы жалғыз жүлдегер — еркін күрес шебері Ризабек Айтмұхан түзеді. Оның “алтын” медалі Қазақстан үшін осы деңгейдегі алғашқы медаль болды. Осы жеңіс пен Алан Оразбектің бесінші орнының арқасында Қазақстанның еркін күрес құрамасы жалпы есепте 8-орынға орналасты.

Сонымен қатар, АҚШ-тың Пуэбло қаласында 19 жасқа дейінгі спортшылар арасында бокстан алғашқы әлем чемпионаты басталғанын еске саламыз. Геннадий Головкин оның салтанатты ашылуына қатысты.