«Ақтөбе» волейболдан Азия чемпиондар лигасын жеңіспен бастады
«Ақтөбе» Азия Чемпиондар лигасын жеңіспен бастады.
Қазақстандық команда Азия Чемпиондар лигасының топтық кезеңіндегі алғашқы матчында айқын басымдықпен жеңіске жетті. Олар австралиялық «Квинсленд Пайрэтс» ұжымын 3:0 есебімен тізе бүктірді. (25:11, 25:15, 25:19).
«Ақтөбе» келесі кездесуін ертең өткізеді. Бұл жолғы қарсыласы Жапонияның атақты «Сантори Санбёрдз» командасы. «Санбёрдз» — турнирдің басты фавориттерінің бірі. Бұл команда Азия клубтық чемпионаты-2023 жеңімпазы және әлем чемпионатының қола жүлдегері атанған.
Жанкүйерлер аталған ойынды ертек Qazsport телеарнасынан сағат 15:00-де тікелей эфирде тамашалай алады.
11 мамырда Жапонияда волейболдан Азияның ең үздік клубтары қатысатын басты турнир — Чемпиондар лигасы басталды. Аталған жарысқа Қазақстан атынан алғаш рет ВК «Актөбе» қатысып отыр. Команда ел кубогының және Суперкубоктың иегері, сондай-ақ ішкі біріншіліктің күміс жүлдегері ретінде жолдама алған.
«Ақтөбе» волейбол клубы мұндай турнирге алғаш рет қатысып отыр және Қазақстаннан Азия турнирлерінің тарихындағы 12-ші клубы атанды.
