“Ақтөбе” ВК Қазақстан кубогінің жеңімпазы атанды

Басқа спорт түрлері 14 қаз 2024 00:53

Марлен Аманов

sports24 сарапшы

Ерлер арасында “Ақтөбе” волейбол клубы 2024/2025 жылғы Қазақстан Кубогының жеңімпазы атанды.

Финалдық кезең алғаш рет Ақтөбеде өтті. Алты күн бойы сегіз команда жаңа маусымдағы алғашқы трофей иесін анықтады. Өткен жылғы дебютанттар турнир барысында бірде-бір ойында жеңіліске ұшырамай, жеңіс сериясын 12 ойынға дейін жалғастырды.

Финалда алаң иелері Оралдың “Жайық” командасын 3:1 есебімен жеңді. Ал оралдықтар үшін, өткен Кубокқа мүлдем қатыспағандарын ескерсек, қазіргі финал олардың дамуындағы үлкен қадам болды. Еске сала кетейік, үшінші орын үшін өткен матчта Талдықорғанның “Жетісуы” Павлодардан басым түскен еді.