Астанада Орталық Азияда алғаш рет спорттық бағдарламалау бойынша Әлем чемпионаты өтті

Басқа спорт түрлері Бүгін 14:51

Денис Кошечкин

sports24 сарапшы

Астана Орталық Азияда алғаш рет 2024 жылғы ICPC World Finals спорттық бағдарламалау бойынша Әлем чемпионаты өткен қала болды. Турнирге әлемнің түкпір-түкпірінен 142 команда қатысты, деп хабарлайды Meta-ratings.kz спорт-порталы.

Қазақстаннан бұл жарысқа бес жетекші техникалық жоғары оқу орнының командалары қатысты: «Nazarbayev University», «Халықаралық ақпараттық технологиялар университеті», «Astana IT University», «Қазақстан-Британ техникалық университеті» және «Suleyman Demirel University».

Чемпионаттың жеңімпазы «Пекин университеті» атанды. «Халықаралық ақпараттық технологиялар университеті» Кембридж, Стэнфорд, Беркли және Калифорния университеттері сияқты беделді оқу орындарын артта қалдырып, үздік 30-дыққа енді. «Nazarbayev University», «Қазақстан-Британ техникалық университеті» және «Astana IT University» үздік 50 қатарына кірді.

Чемпионат Freedom Holding Corp. және ҚР цифрлық даму, инновациялар және аэроғарыш өнеркәсібі министрлігінің қолдауымен өтті және бұл шараның елдегі IT-саласының дамуы үшін маңызды екенін айтылды.