Қаржы министрі Волейбол федерациясының президенті болды

Басқа спорт түрлері 27 қаз 2024 10:10

Марлен Аманов

sports24 сарапшы

Бүгін Алматыда ҚР Волейбол федерациясының есеп беру-сайлау конференциясы өтті. Федерацияның баспасөз қызметі хабарлағандай, 17 облыс пен Астана, Алматы, Шымкент қалаларының өкілдері мен жарғы бойынша дауыс беру құқығына ие тұлғалардың дауыс беру нәтижесінде Федерацияның 2024-2028 жылдар аралығындағы жаңа президенті болып Мәди Такиев сайланды.

Сайлауда үш үміткер бақ сынады: Амандық Баталов, Мәди Такиев және Бақытжан Байтүреев. Дауыс беру қорытындысы бойынша делегаттардың басым бөлігі 2024 жылдың 6 ақпанынан бері қаржы министрі қызметін атқарып келе жатқан Мәди Тоқешұлы Такиевке өз дауыстарын берді.

32 жыл бойы отандық волейболды басқарған федерацияның тұрақты президенті Нұртай Әбіқаев өз өкілеттігін тоқтатты.