Артем Антропов ауыр атлетикадан әлем чемпионы атанды

Басқа спорт түрлері Бүгін 14:23

Богдан Писаренко

sports24 сарапшы

Қазақстандық Артем Антропов Бахрейннің Манама қаласында өтіп жатқан ауыр атлетикадан әлем чемпионатында алтыннан алқа тағынды. Ол 102 кг дейінгі салмақ категориясында ең жоғары орынға ие болды.

"Жұлқа" көтеру тәсілінде Антропов 170 кг салмақтағы штанганы көтерді. Ал "Серпе" тәсілінде ол 230 кг көтеріп, жалпы салмақта 400 кг нәтиже көрсетті.

Екінші орын катарлық Ибрахим Фарес Эльбахқа бұйырды — 399 кг (174+225). Үшінші орын испандық Маркос Руис Веласкоға тиесілі — 395 кг (183+212).

Қазіргі таңда Қазақстан құрамасының чемпионаттағы қоржынында үш медаль бар. Бұған дейін Алексей Чуркин 81 кг салмақ категориясында күміс медаль, Нұрғиса Әділетұлы 96 кг салмақта алтын медаль жеңіп алған болатын.