Арман Дюплантис BBC нұсқасы бойынша жыл спортшысы атанды

Басқа спорт түрлері Бүгін 00:19

Асылхан Тоқсанбек

sports24 сарапшы

Екі дүркін Олимпиада чемпионы, екі дүркін әлем чемпионы, Швецияның рекордшысы Арман Дюплантис BBC Sport Personality of the Year марапатын жеңіп, 2024 жылдың ең үздік спортшысы атанды.

Бұл атаққа үміткерлер қатарында:

• Симона Байлз (АҚШ, спорттық гимнастика)
• Кейтлин Кларк (АҚШ, баскетбол)
• Леон Маршан (Франция, жүзу)
• Кэтрин Дебрунн (Швейцария, паралимпиадалық спорт)
• Сифан Хассан (Нидерланды, жеңіл атлетика)

"Бұл марапатты алу мен үшін үлкен құрмет. Өкінішке орай, мен марапаттау шарасына қатыса алмадым, себебі АҚШ-қа қайтып, жаңа маусымға дайындық жүргізіп жатырмын. Бұл марапат мен үшін өте маңызды", — деп мәлімдеді Дюплантис BBC-ге.

Еске сала кетейік, өткен жылы BBC нұсқасы бойынша жылдың ең үздік спортшысы "Манчестер Сити" футболшысы Эрлинг Холанд болды.

2024 жылғы Олимпиадада Дюплантис өз мансабындағы екінші алтын медалін жеңіп алды, 6,00 метр биіктікті бағындырды. Кейін бірінші әрекетінде 6,10 метрге секіріп, жаңа Олимпиада рекордын орнатты. Ал үшінші әрекетінде 6,25 метрді бағындырып, әлемдік рекордқа қол жеткізді.

Қазақстанның үстел теннисі бойынша Ашық командалық чемпионатында екі лигадағы жеңімпаздар анықталды