Ғалия Тынбаева дзюдодан Гран-при турнирінің күміс жүлдегері атанды

Басқа спорт түрлері 13 қыр 2024 10:42

Аружан Темірбек

sports24 сарапшы

Қазақстандық дзюдошы Ғалия Тынбаева Хорватияның Загреб қаласында өткен Гран-при турнирінде күміс медаль жеңіп алды.

Спортшы 48 келіге дейінгі салмақ дәрежесінде финалға шықты. Ғалия финалда жапондық Вакана Когамен кездесті. Қарсылас мерзімінен бұрын жеңіске жетіп, Тынбаева турнирді күміспен аяқтады.

Финалға дейін Тынбаева өзінің шеберлігін көрсетіп, италиялық Джулия Гиглионе, франциялық Анаис Перрот және венгриялық Ребека Рита Косзегиді жеңді.

Сонымен қатар, Шерзод Довлатов (60 келіге дейін) мен Жанарыс Рахметқали (66 келіге дейін) өз категорияларының финалына шықты және жақын арада алтын үшін таласады.

Еске сала кетейік, бұл турнирде 41 елден келген 300-ден астам татами шеберлері бақ сынауда. Әлемдік дзюдо кезеңі 15 қыркүйекке дейін жалғасады.