Алан Құрманғалиев үстел теннисінен жастар арасындағы әлем чемпионатындағы жорығын аяқтады

Басқа спорт түрлері Бүгін 03:54

Аружан Темірбек

sports24 сарапшы

Қазақстандық спортшы Алан Құрманғалиев үстел теннисінен жастар арасындағы әлем чемпионатында 1/8 финалында жарыс жолынан шығып қалды. Турнир Швецияның Хельсингборг қаласында өтуде.

17 жастағы Құрманғалиев неміс спортшысы Андре Бертельсмайермен кездесіп, 1:4 есебімен жеңіліс тапты. Бұған дейін 1/16 финалында ол камерундық Юлан Батиксті 4:3 есебімен жеңген болатын.

Құрманғалиев – бұл беделді турнирге жолдама алған жалғыз қазақстандық. Әлем чемпионаты 29 қараша, жұма күні аяқталады.