Айтмұхан Ризабекке Уәлиханов ауданының әкімі 1 миллион теңгеге сертификат табыстады

Басқа спорт түрлері 04 қара 2024 00:43

Марлен Аманов

sports24 сарапшы

Уәлиханов ауданының әкімі Мұрат Абдулов үш дүркін әлем чемпионы Ризабек Айтмұханмен кездесті. Ол спортшыны жарқын жеңісімен құттықтап, 1 миллион теңгенің сертификатын табыс етті, деп хабарлайды QZ News.

“Ризабек Албанияның Тирана қаласында жастар арасындағы 23 жасқа дейінгі еркін күрестен әлем чемпионатының жеңімпазы атанды. Біздің балуан 97 келі салмақ дәрежесінде финалда ирандық балуанды жеңді”, - деп жазды Мұрат Абдулов Facebook парақшасында.

Айта кетейік, Ризабек Айтмұхан 2023 жылы ересек балуандар арасында әлем чемпионы атанған еді, ал биыл 20 жасқа дейінгі жастар арасында жоғары нәтижесін тағы да дәлелдеді.