70 жастағы рекордсмен спортшы допингпен ұсталды

Басқа спорт түрлері 03 қаз 2024 14:47

Аружан Темірбек

sports24 сарапшы

Бірнеше әлемдік рекорд орнатқан 70 жастағы америкалық спортшы Лоретта Тернер допинг сынамасының оң нәтижесіне байланысты төрт жылға жарыстан шеттетілді, деп хабарлайды sport.24kz.

Оны Америка Құрама Штаттарының Допингке қарсы агенттігі (USADA) осы жазда АҚШ-тың жеңіл атлетикадан ересектер арасындағы чемпионатында допингке қарсы ережелерді бұзғаны үшін уақытша шеттеткен болатын.

Санкция 9 тамызда күшіне енді. Бұған дейін Тернер 65-69 жас санатындағы спортшылар арасында 50, 60 және 100 метр қашықтықта үздік әлемдік нәтиже көрсеткен болатын.