Жыл қорытындысы: ESPN 2024 жылдың үздіктерін атады

ММА Бүгін 02:29

Аружан Темірбек

sports24 сарапшы

2024 жылдың қорытындысы бойынша ESPN арнасы үздік спортшылар мен ерекше оқиғаларды марапаттады.

Ерлер арасындағы жылдың үздік жауынгері атағы Алекс Перейраға бұйырды. Ол 2024 жылы керемет нәтижелер көрсетіп, Джамал Хиллды, Иржи Прохазканы және Халил Раунтриді нокаутпен жеңді.
Әйелдер арасындағы жылдың үздік жауынгері болып Кайла Харрисон танылды. Ол биыл Холли Холм мен Кейтлин Виейраны айқын басымдықпен жеңіп шықты.

Жылдың басқа да марапат иегерлері:
• UFC-ден тыс ерлер арасындағы үздік ММА жауынгері – Фрэнсис Нганну (PFL);
• UFC-ден тыс әйелдер арасындағы үздік ММА жауынгері – Дакота Дитчева (PFL);
• Жылдың жекпе-жегі – Макс Холлоуэй мен Джастин Гейджи арасындағы есте қаларлық шайқас (UFC 300);
• Жылдың нокауты – Макс Холлоуэй (UFC 300 турнирінде Джастин Гейджиді әсерлі нокаутпен жеңді);
• Жылдың сабмишені – Дрикус дю Плесси (UFC 305 турнирінде Исраэль Адесаньяны тұншықтырған әдісімен ерекшеленді);
• Жылдың серпілісі – Диего Лопес (жартылай жеңіл салмақ рейтингінде топ-15-ке еніп, үшінші орынға дейін көтерілді);
• Жылдың прогресі – Дэн Хукер (Матеуш Гамротты жеңіп, карьерасында үлкен қадам жасады);
• Жылдың жаңалығы – Карлос Пратес (2024 жылы төрт бірдей жекпе-жекте жеңіске жетіп, өз талантын танытты);
• Жылдың турнирі – UFC 300.