Волкановски UFC тарихындағы ұлы файтерлерді атады

ММА Кеше 13:00

Аружан Темірбек

sports24 сарапшы

Бұрынғы жартылай жеңіл салмақтағы үздік чемпиондардың бірі Алекс Волкановски UFC тарихындағы ең ұлы бес жауынгерді атады:

“Бірінші орында, еш күмәнсіз, Исраэль Адесанья. Ол бірнеше мәрте әлем чемпионы атанған, ал оның соққы техникасы туралы айтсам, мен оны UFC тарихындағы ең үздік соққы шебері деп есептеймін. Сонымен қатар, бұл тізімге Андерсон Силва мен Джордж Сент-Пьер де міндетті түрде кіреді. Джон Джонстың октагоннан тыс мәселелері көп болғанымен, чемпион ретінде ол әрдайым шыңда тұрды. Оның шеберлігін жоққа шығару мүмкін емес — ол, сөзсіз, барлық уақыттағы ең ұлы файтерлердің бірі. Ал бесінші орынға мен Деметриус Джонсонды қоямын,” — деп бөлісті Волкановски.

Еске сала кетейік, Алекс Волкановски соңғы рет октагонға өткен жылы шығып, екінші раундта қазіргі чемпион Илия Топуриядан нокаутпен жеңіліп қалды.