UFC Лос-Анджелеске қайта оралады: 2025 жылғы турнирлер жарияланды

ММА 19 қара 2024 09:19

Аружан Темірбек

sports24 сарапшы

UFC-дің баспасөз қызметі әлеуметтік желідегі парақшасында 2025 жылдың бірінші тоқсанында өтетін алғашқы 11 турнирді жариялады.

Жаңа жылдың алғашқы нөмірлі турнирі UFC 311 Лос-Анджелесте “Клипперс” жаңа аренасында өтеді. Бұл UFC-дің 2018 жылдан бері Лос-Анджелеске алғашқы сапары болмақ. UFC 312 турнирі Аустралияның Сидней қаласындағы “Кудос Банк” аренасында ұйымдастырылады, бұл жерде промоушен соңғы рет 2023 жылдың қыркүйегінде шара өткізген болатын. Ал бірінші тоқсанның соңғы нөмірлі турнирі – UFC 313 Лас-Вегастағы “Tи-Мобайл” аренасында өтеді.

Сондай-ақ, сегіз Fight Night турнирі жоспарланған. Төрт турнир Лас-Вегастағы “UFC Apex” аренасында өтеді, біреуі 1 ақпанда Сауд Арабиясының Эр-Рияд қаласында, тағы бірі 22 наурызда Лондонда өтеді. Қалған екі Fight Night турнирінің өтетін орны әлі анықталған жоқ.